ایک مشاعرہ ہو رہا تھا۔ اس میں جوش ملیح

ایک مشاعرہ ہو رہا تھا۔ اس میں جوش ملیح آبادی، گوپی ناتھ امن اور دوسرے مشہور شعراء کے ساتھ غیر معروف نو مشق شعراء بھی پڑھ رہے تھے۔
ایک نو مشق شاعر کی باری آئی تو اس نے اپنا غیر موزوں، بے وزن کلام سنانا شروع کیا۔ جسے سن کر بیشتر شعراء نے آدابِ محفل کو ملحوظِ خاطر رکھتے ہوئے خاموشی اختیار کئے رکھی۔ لیکن جوش ملیح آبادی خاموش نہ رہ سکے اور ایک ایک مصرع پر بڑھ چڑھ کر داد دینے لگے، جوش صاحب کے اس جوش و خروش کو دیکھ کر گوپی ناتھ امن خاموش نہ رہ سکے اور بولے۔۔
حضرت یہ آپ کیا کرہے ہیں۔
"منافقت"
جوش صاحب نے فورا جواب دیا۔