لطیفے

ازدواجیات کے موضوع پر لیکچر دیتے ہوئے ای

ازدواجیات کے موضوع پر لیکچر دیتے ہوئے ایک صاحب نے حاضرین سے کہا۔''آپ میں سے جو حضرات ازدواجی زندگی میں پریشانی کا شکار ہوں، وہ کھڑے ہو جائیں۔''
چند ہی لمحوں میں تمام حاضرین کھڑے ہوگئے ۔صرف ایک صاحب بیٹھے رہے۔لیکچر دینے والے صاحب نے تحسین آمیز لہجے میں کہا''بہت خوب،اتنے بہت سے سامعین میں صرف آپ وہ خوش نصیب ہیں جن کی زندگی میں کوئی پریشانی یا ناخوشگواری نہیں ہے؟''
''ارے جناب۔۔۔۔۔۔۔۔۔۔ایسی کوئی بات نہیں ہے۔''وہ صاحب چلائے''میں تو اس لئے اٹھ کر کھڑا نہیں ہوسکا کہ میری ٹانگوں پر فالج گرا ہوا ہے۔

احسان صاحب نے قسطوں پر ٹی وی لینے کے لئے

احسان صاحب نے قسطوں پر ٹی وی لینے کے لئے ایک کمپنی کے دفتر میں درخواست فارم جمع کرایا۔کمپنی نے ریکارڈ چیک کیا تو پتہ چلا کہ احسان صآحب کے ذمے پہلے بھی ایک ٹی وی کی چند قسطیں واجب الادا ہیں۔کمپنی کے مینجر نے احسان صاحب کو فون کیا۔''جب تک آپ پہلے ٹی وی کی قسطیں نہیں دیں گے،ہم آپ کو دوسرا ٹی وی نہیں دے سکتے۔''
''ٹھیک ہے۔۔۔۔تو پھر آرڈر کینسل کردیں۔۔۔۔۔۔میں اتنا طویل عرصہ انتظار نہیں کرسکتا۔''احسان صاحب نے ذرا خفگی سے کہا۔

''اے۔۔۔۔مسٹر،،پروفیسرصاحب نے کلاس میں سب

''اے۔۔۔۔مسٹر،،پروفیسرصاحب نے کلاس میں سب سے پیچھے کھڑے ہوئے ایک نوجوان کو مخاطب کیا۔۔
''بتاو،نیوٹن نے''لاءآف گریویٹی''کب پیش کیاتھا؟''
''مجھے نہیں معلوم سر''نوجوان نے جواب دیا۔۔
''اچھا یہ بتاو زمین سورج سے کتنے نوری سال کے فاصلے پر واقع ہے؟''پروفیسر نے ناگواری سے دوسرا سوال کیا۔۔
''میں نہیں جانتا سر''نواجون نے ایک بار پھر بے نیازی سے جواب دیا۔۔
''اچھا یہ بتاو نظریہ اضافت کسے کہتے ہیں؟''پروفیسر صاحب نے گویا بڑی مشکل سے اپنا غصہ ضبط کرتے ہوئے پوچھا۔۔
''مجھے نہیں معلام سر''نوجوان نے ایک بار پھر وہی جواب دیا۔۔
''خدا کی پناہ۔۔۔۔۔۔۔۔۔۔''اب پروفیسر صاحب کا چہرہ غصے سے سرخ ہوگیا۔۔۔''تمہیں تو فزکس کی بنیادی باتیں بھی معلوم نہیں۔۔۔۔اسکول کا بچہ بھی ان سوالوں کے جواب دے سکتا ہے،آخر تم نے سوچ کیا رکھا ہے؟تم فزکس کےامتحان میں پاس کیسے ہوگے؟''
''میرا فزکس کے امتحان سے کیا تعلق ہے جناب؟میں تو اس کمرے کا پنکھا ٹھیک کرنے آیا ہوں ۔۔۔الیکڑیشن ہوں۔۔۔۔۔۔۔۔''نوجوان نے بیزاری سے جواب دیا۔۔

''کیا تم مرنے کے بعد زندگی پر یقین رکھتے

''کیا تم مرنے کے بعد زندگی پر یقین رکھتے ہو؟''باس نے اپنے نوجوان ملازم سے دریافت کیا
''جی ہاں۔۔۔۔۔۔۔۔۔سر''
''پھر ٹھیک ہے۔''باس نے سنجیدگی سے کہا۔''کل جب تم اپنے دادا کے جنازے میں شرکت کرنے گئےتھے۔ٹھیک ایک گھنٹے بعد وہ یہاں آئے تھے۔۔۔۔تم سے ملنے کے لئے۔''

> پوچھا گیا : سب سے زیادہ آلو کہاں ہوتا

> پوچھا گیا : سب سے زیادہ آلو کہاں ہوتا ہے ؟
>> کہا گیا : سموسے میں !
> پوچھا گیا : اکبر بادشاہ کی وفات کے بعد کیا ہوا؟
>> کہا گیا : اُسے بڑی شان و شوکت سے دفن کیا گیا۔
> پوچھا گیا : ہمارے ملک میں سب سے پہلے سرنگ کس نے بنائی؟
>> کہا گیا : چوہوں نے !
> پوچھا گیا : بتاؤ بیٹے ، دنیا چپٹی ہے یا گول ؟
>> کہا گیا : میرے والد تو کہتے ہیں کہ دنیا '' چار سو بیس '' ہے !
> پوچھا گیا : دھوبی جی ، آج اپنے گدھے کو اتنے اہتمام سے کیوں نہلا رہے ہو؟
>> کہا گیا : آج میرے گدھے کی شادی ہے۔
پوچھا گیا : ارے واہ ، تو پھر ہمیں کیا کھلاؤ گے ؟
کہا گیا : جو دولہا کھائے گا ، وہی کھا لینا۔
> پوچھا گیا : کیوں بھائی ، تمہارے سر کے سارے بال سفید ہو گئے ہیں، لیکن داڑھی ابھی تک کالی ہے ، اس کی بھلا کیا وجہ ہے ؟
>> کہا گیا : داڑھی ، سر کے بالوں سے بیس سال چھوٹی ہے !
> پوچھا گیا : پروین ، مجھے یقین ہے تم نے برسات کی ان چھٹیوں میں وقت ضائع نہیں کیا ہوگا۔
>> کہا گیا : جی ہاں مِس ! میں باقاعدگی سے نماز پڑھتی تھی اور اللہ تعالیٰ سے دعا مانگتی تھی۔
پوچھا گیا : شاباش بیٹی ، ویسے تم کیا دعا مانگتی تھیں ؟
کہا گیا : بس یہی کہ یہ بارش کبھی نہ رُکے !
> پوچھا گیا : کیوں میاں مچھر ، تمہاری ڈیوٹی تو رات کو ہوتی ہے ، پھر اِس وقت دن میں کیسے؟
>> کہا گیا : وہ کیا ہے کہ جی ، آج میں اووَر ٹائم کر رہا ہوں۔
> پوچھا گیا : مجھے یاد نہیں کہ تم نے کبھی کوئی ایسا کام بھی کیا ہو جس سے میرا سر اونچا ہوا ہو۔
>> کہا گیا : ابو جی ، ذرا یاد کیجئے ، ایک دن میں نے آپ کے سر کے نیچے تکیے لگائے تھے!

"دلہن نے سفید لباس کیوں پہنا ہے؟ " لندن

"دلہن نے سفید لباس کیوں پہنا ہے؟ " لندن کی ایک شادی میں بچی نے ماں سے سوال کیا۔
ماں نے جواب دیا "سفید رنگ خوشی کا رنگ ہوتا ہے اورآج اس لڑکی کی شادی ہے اس لیے اس نے یہ رنگ پہنا ہے۔"
"تو پھر دولہا نے سیاہ سوٹ کیوں پہنا ہے؟" بچی نے الجھے ہوئے لہجے میں پوچھا۔
"بیٹا وہ سمجھدار ہے !" پیچھے سے بچی کے ابا کی آواز آئی۔

" اس کلاس میں اگر کوئی بےوقوف ہے تو فورا

" اس کلاس میں اگر کوئی بےوقوف ہے تو فوراً کھڑا ہو جائے۔" نئی ٹیچر نے کلاس میں داخل ہو کر کہا۔
کافی دیرتک توکوئی کھڑا نہیں ہوا پھرتھوڑی دیر بعد ایک لڑکا جھجکتے ہوئے کھڑا ہوگیا۔
" تم اپنے آپ کو بےوقوف کیوں سمجھتے ہو؟ " ٹیچر نے پوچھا۔
"بات دراصل یہ ہے کہ میں اپنے آپ کو بے وقوف بلکل نہیں سمجھتا! وہ تو میں صرف اس لیے کھڑا ہو گیا کہ آپ کلاس میں اکیلی کھڑی اچھی نہیں لگ رہی تھیں!" لڑکے نے جواب دیا۔

"زمین کیسی ہے؟ " کلاس ٹیچر نے ننھے ارشد سے پوچھا۔"گول۔" ارشد نے جواب دیا۔"تم

"زمین کیسی ہے؟ " کلاس ٹیچر نے ننھے ارشد سے پوچھا۔
"گول۔" ارشد نے جواب دیا۔
"تم یہ بات کیسے کہہ سکتے ہو؟ " ٹیچر نے سوال کیا۔
"چلیے ہو سکتا ہے چوکور ہو۔ میں اس معاملے میں آپ سے بحث نہیں کرنا چاہتا۔" ارشد نے بے پروائی سے جواب دیا۔

آپ کی دسویں ویلڈنگ اینیورسری گزر گئی ؟؟؟

آپ کی دسویں ویلڈنگ اینیورسری گزر گئی ؟؟؟؟
*
*
*
*
*
ویلڈنگ اینیورسری؟؟؟؟
*
*
*
*
*
جی ویلڈنگ اینیورسری کیونکہ ویڈنگ اینیورسری تو بس ایک دو سال تک ہی رہتی ہے اس کے بعد ویلڈنگ (بچوں ) کے سہارے ہی چلتی ہے ۔